Kố cho troăng ki tơdjêp peăng mâ hâi lâ troh peăng mâ hâi lo dêi kong pơlê Ninh Bình, tơdrêng amê hlối tơdjêp tâi tâng ƀă mâu troăng prôk ki kal dêi tơnêi têa, môi tiah troăng kân Bắc – Nam peăng mâ hâi lo, troăng kân Hồ Chí Minh, troăng kân 1A, troăng a kĭng têa kơxĭ (Thanh Hóa – Ninh Bình – Nam Định – Thái Bình – Hải Phòng – Quảng Ninh), troăng rơxế lơ treng Bắc – Nam ƀă hên troăng ki ê; bro troăng prôk tung la ngiâ, prôk tơdrăng tâi tâng ƀă troăng prôk dêi kong pơlê.

Tơdroăng tơkêa bro kố châ kong pơlê Ninh Bình mơnhên cho troăng ki kal, athế rĕng bro klêi vâ pro ivá, tơdroăng ki tơƀrê tung mơnhông cheăng kâ rêh ối pơlê pơla dêi kong pơlê ki hdrối tâ ƀă ai troăng ngăn tung la ngiâ, ton xŏn. Akố, pôa Phạm Minh Chính, Ngế pro xiâm hnê ngăn tơnêi têa pơkâ thế kong pơlê Ninh Bình tơkŭm ăm hnoăng cheăng tơbleăng bro troăng Đông – Tây dêi kong pơlê; mơ-eăm rĕng bro klêi troăng ki hiăng tơbleăng; ƀă mâu troăng ki u ối tơdjêp ƀă kong pơlê Hòa Bình ƀă tơdjêp ƀă troăng ki lo a têa kơxĭ.