Ngế pro xiâm hnê ngăn tơnêi têa tối nhên, Đảng ƀă Tơnêi têa đi đo ngăn hnê hriâm cho tơdroăng ki kal xiâm; tơdroăng ki pơkâ tơdroăng Pơkâ 71 cho vâ rak tơniăn lĕm tơdroăng ki pá, tơdroăng ki rơkê plĕng pơhlêh, ‘mâi rơnêu tơdroăng hnê hriâm.

Ki xiâm pơkâ pêi troh hơnăm 2035, tơdroăng hnê hriâm châ pêi pro pơhlêh, rak vế tơdroăng ki tơdâng, rơkê; hnoăng cheăng vâ pêi troh hơnăm 2045, Việt Nam ối tung khu 20 to kong têa ai tơdroăng hnê hriâm xiâm lâp plâi tơnêi, rêm ngế kuăn pơlê ai rôh vâ hriâm plâ rơxông.

Tơdroăng pêi pro tơbleăng pêi sap ing hơnăm 2025 ƀă mâu tơdroăng cheăng: pêi pro klêi mâu tơdroăng tơkêa Luât, mơjiâng troăng hơlâ tŏng gum; séa ngăn, ‘mâi rơnêu tơdroăng hnê hriâm phôh thong; môi tuăn xúa hlá mơ-éa hriâm sap ing hơnăm 2026-2027; pêi pro troh tơdroăng ki ăm hok tro tê kơtê hlá mơ-éa hriâm ăm hok tro sap ing hơnăm 2030. Tơdrêng amê, Chin phuh kô rĕng tơbleăng pêi lo liăn khế, liăn kâ ki ê ăm thái cô ƀă kăn ƀô̆ pơkuâ ngăn.