Tơpui mơgêi rôh hôp, pôa Phạm Minh Chính, Ngế pro xiâm hnê ngăn tơnêi têa mơnhên tối, tơdroăng veăng pêi pro kơtăng dêi mâu khu xiâm, kơvâ cheăng, mâu ngế cheăng tung Tôh pêi cheăng rak vế ai tŭm têa châu têa kơxăng hiăng tơkŭm tung mâu troăng hơlâ vâ rak tơniăn kơchơ tê mơdró têa châu têa kơxăng.

Tối tiah kố, tơdroăng a kong têa ê ôh tá tơniăn, Ngế pro xiâm hnê ngăn tơnêi têa tối nhên tơdroăng pơkâ pêi cho ôh tá ăm ai tơdroăng ki ôh tá bê têa châu, têa kơxăng tung mơjiâng pro tơmeăm, tê mơdró, kuăn pơlê xúa; ôh tá tro pơtê tơdroăng ki tê têa châu têa kơxăng; rak tơniăn ‘na cheăng kal kí, tơniăn tung pơlê pơla, hbrâ mơdât tơdroăng ki pro pơxúa ăm dêi tơná ing tơdroăng ki kố, pôi tá pro ôh tá tơniăn tơdjâk troh ki tơniăn tung lâp pơlê pơla.

Pôa Phạm Minh Chính, Ngế pro xiâm hnê ngăn tơnêi têa tối tiah kố, kố cho rôh ki ‘mâi pro tơdroăng mơjiâng pro tê mơdró, tê têa châu têa kơxăng, tro ƀă tơdroăng ki ai; pơkâ thế thăm mơnhông ‘măn kơdĭng têa châu têa kơxăng, pêi pro pơhlêh kơchơ mơdró, pơhlêh tơdroăng tê, pôi tá tơkôm tung têa châu têa kơxăng dêi tung môi kong têa ki lâi ôh.