Klêi tơmâng tối tơbleăng dêi Khu xiâm ngăn ‘na tê mơdró ƀă mâu tơdroăng veăng hnê tối dêi mâu kăn ki veăng hôp, Kăn xiâm pơkuâ hnê ngăn Đảng pơkâ thế Khu xiâm ngăn tê mơdró pơtối tăng ‘nâi plĕng, tơmâng xo tŭm ing mâu tơdroăng a rôh hôp, thâ séa ngăn hlối tơbleăng ăm Khu xiâm Kal kí, Khu kăn Tíu xiâm Đảng ‘na mâu tơdroăng ki u ối tung tơrŭm cheăng kâ - tê mơdró pơla pin ƀă khu tơrŭm cheăng ki kal ƀă pơkâ troăng hơlâ tơkâ luâ xơpá.

‘Na troăng mơnhông cheăng kâ - tê mơdró pơla pin ƀă kong têa ki tơrŭm tung la ngiâ, Kăn xiâm pơkuâ hnê ngăn Đảng tối nhên, troăng hơlâ dêi Đảng, Tơnêi têa Việt Nam cho cho môi tuăn tiô troăng hơlâ tơpui kâ tơniăn krê, pơkuâ dêi xua vâ hơniâp lĕm, tơrŭm tơrôa hlối mơnhông, hên túa pơ’lêh troăng hơlâ tung tơrŭm cheăng lâp plâi tơnêi, pro tơniăn ngăn tơdroăng pơkâ ki pơxúa ăm tơnêi têa ối a hdrối ki pơxúa ăm dêi hdroâng mơngế ối a pêng tâ.