Tơdroăng tơkêa bro mơjiâng pro Tơraih tơƀai lâp plâi tơnêi Long Thành (Đồng Nai) hneăng má 1 ai tâi tâng kơlo mơ’no liăn cheăng lối 109 rơpâu rơtal liăn, tiô tối hdrối kô pêi kêi đeăng tung hơnăm 2026. Pêi pro hnê mơhno dêi Ngế pro xiâm hnê ngăn tơnêi têa, tung pơla kố nah, Khu xiâm mơjiâng ƀă mâu khu mơ’no liăn cheăng hiăng pêi pro mâu troăng vâ pro ‘nâng ‘nâi tơdroăng tơkêa bro, pơtối mê kô kêi đeăng tơdroăng bro tung hơnăm kố.

Pêi cheăng ƀă mâu khu xiâm, kơvâ cheăng, kong pơlê, khu ki mơ’no liăn cheăng, khu ki pro, pôa Phạm Minh Chính, Ngế pro xiâm hnê ngăn tơnêi têa tối nhên, Tơdroăng tơkêa bro tơraih tơƀai lâp plâi tơnêi Long Thành ai kơnâ kal khât. Klêi mâu tơdroăng mơ-eăm, khŏm mơ-eăm, um méa dêi tơraih tơƀai rơxông nếo hiăng hlo nhên. Pơkâ thế mơ-eăm troh tâi hâi lơ 31/12/2025 kô pêi kêi đeăng tơdroăng tơkêa bro vâ tơdah roh tơƀai apoăng, Ngế pro xiâm hnê ngăn Chin phuh hiăng tối nhên mâu tơdroăng tơkêa bro ku kŭn ôh tá pơhlêh pơkâ pêi; mâu khu xiâm, kơvâ cheăng kong pơlê, khu ki mơjiâng pro thế mơ-eăm tơkŭm mơdêk pêi pro rĕng.