Tiô tối tơbleăng a hneăng hôp, hơnăm 2023 kơvâ hrik têa châu hiăng pêi châ tơƀrê hên tơdroăng ki kal, malối tê mơdró, tâi grup hiăng pê klêi ƀă pêi klêi luâ hên  kơlo ki tâi tâng mâu pơkâ ‘na hrik chuâ tê mơdró; tâi tâng kơxô̆ liăn châ lối 942 rơpâu rơtal liăn, tâk 11,6 rơpâu rơtal liăn luâ ki hên dêi hơnăm 2022; pơtối cho tê mơdró ai veăng ‘no hnoăng kân ăm liăn ngân tơnêi têa, mơhno hnoăng cheăng pêi dêi Grup cheăng kâ tơnêi têa ki má môi, ki kân má môi, ivá rơdêi ‘na cheăng kâ dêi tơnêi tea.

Tối tơbleăng a hneăng hôp, Ngế pro xiâm hnê ngăn tơnêi têa Phạm Minh Chính pơkâ thế, hơnăm 2024 mâu tơdroăng cheăng pêi ki nhên pơcháu ăm Grup ngăn hrik têa châu thế pêi nhên a tơdroăng pơkâ dêi Grup xuân môi tiah tơrêm tíu pêi cheăng vâ tơkŭm pêi klêi ƀă séa ngăn, tí tăng ngăn.

Grup kố malối mâu kăn xiâm ki pơkuâ ngăn hnê tơrŭm môi tuăn; mơdêk hiâm tuăn khên tơnôu khên tơmiât, khên pêi ƀă tơdroăng púi vâ mơjiâng  ƀă mơnhông Grup ngăn ‘na krik chuâ têa châu Việt Nam cho tíu pêi cheăng xiâm dêi kơvâ cheăng hrik chuâ Têa châu, ai tơmeăm khoăng rơdêi ‘na liăn ngân ƀă khoa hok kơmăi kơmok, veăng mơnhông tơnêi têa rế xông rơdêi, kro mơdrŏng, kuăn pơlê phâi tơtô, rêh ối hơniâp ro.