Ngế pro xiâm hnê ngăn tơnêi têa tối nhên, tơdroăng ki pêi pro Hlá Mơ-éa kơxô̆ 59 hâi lơ 12/9/2025 dêi Khu pơkuâ hnê mơhno Tơnêi têa mơgêi Pơkâ kơxô̆ 18 ƀă ki xiâm vâ pêi cho pro ăm kơ koan cheăng tơnêi dêi khu xiâm pơkuâ tơdroăng kal kí rơkê, tơkŭm, pêi cheăng xêt, tơƀrê; mơdêk tơdroăng ki mơ-eăm xêh; mơdêk ki rơkê, tơ’nôm chôu phut pêi cheăng tơdjuôm, gum kuăn pơlê, khu mơdró kâ.

Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng pơtối séa ngăn tâi tâng tung pơla pêi pro mâu tơdroăng Pơkâ, hlá mơ-éa ‘na klâ xoăng, pro rơkê, iâ tơkŭm kơ koan cheăng tơnêi têa, tơdrêng amê hlối pơchông ngăn ƀă mâu tíu pêi cheăng kal kí ki ê ai tơdjâk troh môi tiah Pơkâ kơxô̆ 71 ‘na ki mơnhông tơƀrê mơjiâng hnê hriâm ƀă hnê cheăng pêi; Pơkâ kơxô̆ 72 dêi Khu xiâm pơkuâ tơdroăng kal kí ‘na mâu troăng hơlâ mơnhông tơƀrê, thăm rak vế, rak ngăn ivá ƀă mơnhông ivá kuăn pơlê vâ ai túa pơkâ pêi kơjo gum má môi, rak tơniăn tơdroăng khăm pơlât ăm kuăn pơlê tơ’lêi hlâu má môi, rak vế tơniăn ăm hok tro châ troh hngêi trung.