VOV4.Xơ Đăng - Hâi lơ 6/2, pôa Phạm Minh Chính, Ngế pro xiâm hnê ngăn tơnêi têa ƀă khu kăn dêi Chin phuh hiăng lăm séa ngăn a tíu, hnê tối, mơhnhôk mâu kŏng nhân mơjiâng pro tơraih tơ-ƀai Long Thành rôh má 1 châ Ngế pro xiâm hnê ngăn Chin phuh kĭ pro rôh má 1 a hâi lơ 1/1/2020, pơla mâu hơnăm mơjiâng pro sap ing hơnăm 2020-2025. Séa ngăn tơdroăng tơkêa bro, Ngế pro xiâm hnê ngăn tơnêi têa tô tuăn, troh nôkố hên tơdroăng cheăng xuân hâi châ mơjiâng pro klêi, pơ’lêh túa mơjiâng pro; séa ngăn drêng mơjiâng pro a tíu pro, mơdêk pêi tơdroăng tơkêa pro.

“Pâ thế mâu khu xiâm, kơvâ cheăng, tíu pêi pro tối nhên hnoăng cheăng pêi; ngế ki lâi chiâng pêi cheăng thế mơ-eăm, ‘no ivá pêi lo; ngế ki lâi ôh tá chiâng pêi thế ối tâng ối môi pâ ăm ngế ki ê pêi’’. Ngế pro xiâm hnê ngăn tơnêi têa pơkâ thế, mâu kơ koan tíu pêi cheăng tơkŭm tơpui tơno tăng troăng mơnhên tối tơdrêng rêm hâi, rêm khế, tơrêm tơdroăng cheăng.

Gương tơplôu ƀă tơbleăng