VOV4.Xơ Đăng - Kơxo lơ 4/3, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hiăng pơkuâ hneăng hôp Chin phuh tơdroăng mơjiâng luât, mâu ngế cheăng tung Chin phuh hiăng tơpui tơno ăm hnê tối 5 tơdroăng tơkêa luât ƀă 1 tơdroăng pơkâ. Klêi tơmâng tối mâu tơdroăng tơpui tơno, pôa Phạm Minh Chính, Ngế pro xiâm hnê ngăn Chin phuh khĕn kơdeăn khât mâu tơdroăng mơ-eăm tơmâng pêi ƀă hnoăng cheăng pêi, mâu khu xiâm kơvâ cheăng hiăng mơ-eăm, tơkŭm hnê mơhno, tơkŭm ing xiâm, tung pơla ‘no hnoăng, mơ-eăm hbrâ, pơtroh mâu tơdroăng tơkêa bro luât tơniăn troh pêi pro, pêi tơ-ƀrê.

Tâ tá hneăng hôp

Ngế pro xiâm hnê ngăn tơnêi têa pa môi hdroh nếo tối nhên tơdroăng mơ-eăm mơjiâng luât pơkâ tơxâng ƀă môi tung pái tơdroăng pêi pro. Kal tơkŭm tâ nếo ăm tơdroăng ‘mâi hơ’lêh, tơ’nôm, pêi klêi ‘na luât, malối mâu tơdroăng pêi pro ki nếo ai, kal ‘mâi rơnêu vâ tah ki tơvâ tơvân ‘na luât pơkâ, luât tŏng kum, pro tơ’lêi hlâu ăm kuăn pơlê, khu mơdró; veăng ‘no hnoăng ‘mâi mơnhông mơdêk cheăng kâ rêh ối.

Gương tơplôu ƀă tơbleăng