VOV4.Xơ Đăng -  Kơxo lơ (1/3), a tíu pêi cheăng Chin phuh, pôa Phạm Minh Chính, Ngế pro xiâm hnê ngăn  Chin phuh pơkuâ hneăng hôp tơdrêng tiô troăng hyôh internet  ƀă  mâu kăn cheăng tung Chin phuh ƀă mâu kong pơlê, tơmâng tơbleăng tí tăng ‘nâi plĕng ‘na mơjiâng pro ƀă 5 tơdroăng tơkêa pro troăng prôk ki xiâm mê cho: Troăng prôk 4 kơpong pơlê kong xiâm Hà Nội, troăng prôk 3 pơlê kong kân Hồ Chí Minh; troăng kân tơdrăng Châu Đốc - Cần Thơ- Sóc Trăng; troăng kân tơdrăng Khánh Hòa- Buôn Ma Thuột;  troăngkân tơdrăng Biên Hòa - Vũng Tàu.

Hneăng  hôp pôa Phạm Minh Chính tối nhên, 5 tơdroăng tơkêa pro troăng prôk châ séa ngăn rôh apoăng xuân cho mâu troăng kân ki kal, cho troăng kân tơdjêp ƀă mâu tíu pêi cheăng kâ kân, mau troăng prôk troh a tíu xiâm dêi mâu kơpong, kong pơlê, pơlê kong kân ƀă hía hé... Tơdroăng tơbleăng  mơjiâng pro 5 tơdroăng tơkêa mê ai tơdjâk troh hên tơdroăng, hên kong pơlê, pơlê kong kân ƀă hên ngế kuăn pơlê. Xua mê, Ngế pro xiâm hnê ngăn tơnêi pơkâ thế mâu kăn veăng hôp kal tơkŭm tí tăng ‘nâi plĕng, xéa ngăn nhên hên tơdroăng  vâ châ tơ-ƀrê.

Gương tơplôu ƀă tơbleăng