Ngế pro xiâm hnê ngăn tơnêi têa mơnhên, klêi kơ’nâi ai mâu tơdroăng châ tơbleăng a roh hôp, tơdroăng pơkâ, Mơgêi dêi Tơnêi têa, Khu pơkuâ hnê ngăn cheăng Đảng pơlê kong kơdrâm, kong pơlê dêi 3 kong pơlê hiăng pêi pro, hlê plĕng pêi pro kơtăng, teăm tơdrêng, tơniăn tiô hâi khế ing pơlê kong kơdrâm, kong pơlê, troh mâu tíu pêi cheăng, mơjiâng châ tơdroăng môi tuăn tung mâu khu xiâm, kơvâ cheăng, kơ koan, tíu cheăng.

Ngế pro xiâm hnê ngăn tơnêi têa tối ăm ‘nâi rêm kong pơlê ai ki phá tơ-ê; krê ƀă Pơlê kong kân Hồ Chí Minh, pơla kố nah ai pơhlêh khu râ kăn pơkuâ mâu râ kăn xiâm dêi pơlê kong kân laga hiăng rĕng tơniăn tơdroăng, rah xo bro lế lĕm tro mơngế pêi cheăng châ 15%, rah bro lĕm tro ƀiên chê̆ kơdroh cho 20%. Ngế pro xiâm hnê ngăn tơnêi têa tối klêi roh séa ngăn kố hiăng tăng hlo mâu túa pêi ki rơkê tơtro, djâ troăng ahdrối rơkê, troăng pêi rơkê; tơ’lêi hlâu pro mơ-éa kơdroh tơdroăng pêi ki tung dế, tơ’lêi hlâu ăm kuăn pơlê khu tê mơdró. Ngế pro xiâm hnê ngăn tơnêi têa xuân pơkâ thế 3 kong pơlê tơkŭm mơnhông cheăng kâ, mơdêk tơtêk tơniăn rĕng laga thế krá tơniăn.