Tơbleăng a rôh hôp, pôa Phạm Minh Chính Ngế pro xiâm hnê ngăn tơnêi têa tối nhên, vâ tơmeăm pê lo tâk hên thế pêi cheăng rế tơƀrê hên, ing tơdroăng mơnhông tơƀrê khoa hok kŏng ngê̆, pơhlêh nếo ‘nâi hriê̆n plĕng tơdroăng ki nếo, pơhlêh kơxô̆, mơngế pêi cheăng tơƀrê; hnê mơngế pêi cheăng, khoa hok kŏng ngĕ cho tơdroăng pêi pro ahdrối; ‘no liăn cheăng khoa hok kŏng ngê̆, hnê hriâm ăm tuăn ngôa rơkê cho xiâm ki vâ mơnhông tơƀrê.

Klêi tơmâng mâu tơdroăng hnê tối  tơbleăng, tối mơgêi hneăng hôp, pôa Phạm Minh Chính, Ngế pro xiâm hnê ngăn tơnêi têa tối nhên: Pin thế pơ’lêh pơkâ cheăng thế tâk troh 8% kô tơkŭm a mơnhông khoa hok, kŏng ngê̆, pơhlêh kơxô̆, pơ’lêh nếo ƀă hnê mơjiâng tuăn ngôa rơkê vâ mơnhông tơƀrê hriĕn plĕng ki nếo ƀă hnê mơngế pêi cheăng rơkê vâ mơnhông rế tâk ‘na cheăng kâ.

Ngế pro xiâm hnê ngăn tơnêi têa tối nhên, mơnhông khoa hok, kŏng ngê̆, pơ’lêh kơxô̆, pơ’lêh nếo ƀă mơngế pêi cheăng rơkê vâ mơnhông tung cheăng kâ rế tơƀrê, cho tơdroăng kal vâ, cho tơdroăng rah xo pêi pro, cho tơdroăng ki vâ pêi ahdrối ƀă xo kuăn pơlê pro hnoăng ki xiâm. Mơnhông tơƀrê khoa hok, kŏng ngê̆, pơ’lêh nếo hriê̆n plĕng ki nếo ƀă mơngế cheăng rơkê veăng mơnhông ‘na cheăng kâ, mơnhông tơƀrê rĕng ƀă krá tơniăn ton.