Sap ing apoăng hơnăm troh nôkố, Chin phuh hiăng tơkŭm po 5 rôh hôp ‘na mơjiâng luât; séa ngăn, ăm rơkong tơpui tối, pơkâ tŏng kum ƀă mâu tơdroăng cheăng ki kân tơdroăng cheăng ki ai tơdjâk troh troăng hơlâ pơkâ; ăm hlo khŏm mơeăm khât, mơ-eăm ‘no ivá hên khât, pêi pro kơhnâ khât, tơƀrê dêi Chin phuh tung tơbleăng tơƀrê kân tơdroăng cheăng tung la ngiâ ‘na troăng hơlâ.

Rôh hôp tơdroăng khế 7, Chin phuh séa ngăn, ăm rơkong tơpui tối tung 3 tơdroăng pơkâ thế mơjiâng luât, 2 tơdroăng tơkêa luât, 2 hlá mơ-éa tối tơbleăng ƀă 1 kơxop hlá mơ-éa pơkâ dêi Kuô̆k hô̆i.

Tung mê, ai: Pơkâ thế mơjiâng luât hbrâ mơdât roê tê kuăn mơngế ki ‘mâi hơ’lêh; tơdroăng pơkâ thế mơjiâng Luât nâp hnoăng liăn mơhá tê tơmeăm ki ‘mâi hơ’lêh; Pơkâ thế mơjiâng Luât nâp hnoăng liăn mơhá ki kơnía mơdêk (‘mâi hơ’lêh); Tơdroăng tơkêa Luât ‘mâi hơ’lêh, ‘mot tơ’nôm mâu tơdroăng luât tơbriât tê kế tơmeăm; Tơdroăng tơkêa Luât Ƀaoh hiêm xah hô̆i ki ‘mâi hơ’lêh; Tối tơbleăng, pơkâ mơ’no tơdroăng xúa nâp hnoăng liăn mơhá tung lâp plâi tơnêi, tối tơbleăng, pơkâ mơ’no ‘na troăng hơlâ tŏng kum khu ki ‘no liăn cheăng ki ôh tá ối tung khu nâp hnoăng liăn mơhá.