pui a rôh hôp, pôa Phạm Minh Chính, Ngế pro xiâm hnê ngăn tơnêi têa tối nhên, hơnăm 2025 ai pơxúa kal khât; cho hơnăm ki po hên tơdroăng cheăng ki kal dêi tơnêi têa; cho hơnăm mơdêk ivá, pêi klêi mâu túa pơkâ 5 hơnăm 2021 – 2025; cho hơnăm ki hbrâ rơnáu mot tung chal ki nếo – chal ki mơeăm tơná mơnhông kro mơdrŏng, rơkê plĕng dêi hdroâng mơngế; tơmiât troh 2 tơdroăng pơkâ pêi tung la ngiâ 100 hơnăm: mơeăm troh hơnăm 2030 cho tơnêi têa dế mơnhông, ai kơmăi kơmok rơkê plĕng, pêi châ liăn rêm ngế; troh hơnăm 2045 chiâng tơnêi têa mơnhông, pêi lo liăn hên. Ngế pro xiâm hnê ngăn tơnêi têa ăm ‘nâi, ki xiâm vâ pêi mơdêk hơnăm 2025 châ 8% tơngi klêng hiăng châ mơhno tung tơdroăng Pơkâ 01 dêi Chin phuh.

Ngế pro xiâm hnê ngăn tơnêi têa pơkâ thế mâu vâi pú kal tơkŭm tơpui mâu tơdroăng ki kal klêi mê cho: Pơkâ kơtăng, môi tuăn hlê plĕng ƀă pêi pro, mơdêk hnoăng cheăng pôu râng dêi ngế ki ối a ko mâu râ, kơvâ cheăng, mâu kong pơlê tung pêi pro Mơgêi kơxô̆ 123 dêi Tơnêi têa, Pơkâ dêi Kuô̆k hô̆i ƀă Pơkâ kơxô̆ 25 dêi Chin phuh, rak tơniăn mơnhông lâp tơnêi têa hơnăm 2025 châ 8% tơngi klêng, pro chiâng ivá krá tơniăn ăm mơnhông péa kơxô̆ tung pơla hơnăm 2026 – 2030.