A roh hôp, mâu khu xiâm, kơvâ cheăng mơnhên tơdroăng khŏm mơ-eăm tơrŭm krá tơniăn ƀă Chin phuh tung pơkuâ cheăng kâ kân hơnăm 2026 ƀă hneăng pơtối. Pêi pro Tơdroăng pơkâ 01, 02 dêi Chin phuh, mâu khu xiâm, kơvâ cheăng mơnhên khŏm mơ-eăm tơrŭm krá tơniăn ƀă Chin phuh tung pơkuâ cheăng kâ kân hơnăm 2026 ƀă hneăng pơtối.

Pêi pro tiô Tơdroăng pơkâ 01, 02 dêi Chin phuh, mâu khu xiâm hiăng tơbleăng tơdroăng pêi ƀă pơkâ xiâm mơ-eăm hên tâ mê nếo tơdroăng pơkâ châ pơcháu, xing xoăng hnoăng cheăng inhên ăm rêm kăn pơkuâ tíu cheăng. Xông tơpui mơgêi, Ngế pro xiâm hnê ngăn tơnêi têa tối rơdêi pơkâ pêi nếo mâu tơdroăng ki vâ tơtêk tiô khôi vâi krâ nah, tơdrêng amê mơdêk ivá tơtêk nếo ƀă tơdroăng khên tơmiât, khên pêi, khên pôu râng hnoăng cheăng.

Ngế pro xiâm hnê ngăn tơnêi têa pơkâ pêi pro Tơdroăng pơkâ Hneăng hôp má XIV dêi Đảng sap ing apoăng hơnăm 2026; pêi pro kơdĭng 10% mơhá liăn khế đi đo, 5% mơ’no mơnhông mơdêk vâ xúa kơxô̆ liăn ăm pro troăng rơxế lơtreng Lào Cai – Hà Nội – Hải Phòng, tơdrêng amê kơjo mơdêk xo hnoăng liăn gâk kring tơnêi têa, mơ’no liăn mơnhông mơdêk ƀă gum rêh ối pơlê pơla.