VOV4.Xơ Đăng - Tơbleăng mơgêi Hneăng hôp mơ’no tung um tvi tiô troăng hyôh Internet tung lâp tơnêi têa mơgêi 20 hơnăm mơnhông mơdêk khu pú hên ƀă mơgêi  10 hơnăm pro tiô luâtpêi cheăng tơrŭm hơnăm 2012, pôa Phạm Minh Chính, Ngế pro xiâm hnê ngăn tơnêi têa pơkâ thế tơkŭm tơbleăng 8 khu tơdroăng cheăng, troăng rơhlâ. Ing mê, pơtối tí tăng ngăn mơjiâng luât pơkâ tơtro ki nếo ƀă tơdroăng cheăng pêi Việt Nam. Pơtối tăng ki pá, tơvâ tơvân, luât pơkâ, luât tŏng kum ing tơdroăng nhoăm ‘na cheăng kâ tê mơdró.

Ngế pro xiâm hnê ngăn tơnêi têa pơtroh ăm hneăng hôp mơgêi tơdroăng cheăng 20 hơnăm mơnhông mơdêk khu pú hên

‘Na troăng rơhlâ ‘mâi pơ’lêh luât pêi cheăng tơrŭm pôa Phạm Minh Chính  tối nhên, xut tah ki pro pá, tơvâ tơvân; pro tơ’lêi hlâu ‘na luât pơkâ pêi, luât tŏng kum; mơnhông cheăng kâ vâ kơpong kố tơxâng ƀă tơdroăng cheăng, hnoăng cheăng pêi ki xiâm tung tơdroăng cheăng kâ tê mơdró tiô troăng rơhlâ xah hô̆i chuh ngiah. ‘Na troăng rơhlâ ngế pro xiâm hnê ngăn Chin phuh pơkâ thế tơdroăng ‘mâi pơ’lêh Luât khu pêi cheăng tơrŭm kal pơkâ pơ’lêh tŭm tơdroăng dêi Đảng ‘na pơtối pơ’lêh nếo, mơnhông cheăng kâ pú hên, khu pêi cheăng tơrŭm a tơnêi têa pin tung la ngiâ.

Gương tơplôu ƀă tơbleăng