VOV4.Xơ Đăng - Kơxê lơ 18/3, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hiăng tơdah pôa Thomas Vallely, Kăn pơkuâ Tơdroăng Việt Nam a Đăi hok Harvard ƀă mâu khu ki rơkê plĕng Đăi hok Fulbright Việt Nam. A rôh tơdah, pôa Phạm Minh Chính, Ngế pro xiâm hnê ngăn tơnêi têa mơnhên tối khât tơdroăng ki veăng kum dêi pôa Thomas Vallely tung tơdroăng ki mơjiâng Đăi đăi Fulbright Việt Nam ƀă rơkâu Đăi hok Fulbright pêi pro châ hên tơdroăng ki hnê ƀă hriăn ngăn.

Tung hneăng hơnăm nôkố, Chin phuh Việt Nam dế mơdêk mâu troăng hơlâ vâ ‘mâi mơnhông, mơdêk cheăng kâ rêh ối pơlê pơla, kơjo mơjiâng tơdroăng pơkâ, troăng hơlâ mơjiâng mâu tơdroăng rơkê ăm mơdêk krá tơniăn ton xŏn. Tung mê, mơnhên mơdêk ‘na ki rơkê plĕng dêi kuăn mơngế; kuăn mơngế cho tíu xiâm, cho tâi tâng, cho ivá ki kal ƀă tơdroăng pơkâ dêi mơnhông mơdêk.

Tơdrêng amê xuân mơnhên, pêi pro châ tơƀrê troăng hơlâ hnê hriâm ƀă hnê tuăn ngoâ rơkê rơtế ƀă khoa hok kong ngĕ cho tơdroăng ki kal xiâm, cho ivá ki kal vâ mơnhông mơdêk tơnêi têa.

Katarina Nga tơplôu [ă tơbleăng