A rôh tơdah, Ngế pro xiâm hnê ngăn tơnêi têa mơnê WEF ƀă mâu khu tơrŭm cheăng hiăng rơtế ƀă Việt Nam, veăng kum po hneăng hôp klêi tơniăn tíu tơpui tơno, tơdjêp pơla Chin phuh, khu mơdró kâ ƀă pơlê pơla khoa hok. Ngế pro xiâm hnê ngăn tơnêi têa khĕn kơdeăn mâu tơdroăng tơpui tơno troăng hơlâ, tối ăm dêi rơpó túa ki rơkê tơtro ƀă tơbleăng kŏng ngê̆ hiăng po hên rôh tơrŭm cheăng, tăng troăng mơnhông nếo.

Pôa Stephan Mergenthaler khĕn kơdeăn troăng tơmiât mơnhông ton xŏn dêi Việt Nam, malối cho troăng tơmiât mơnhông tiô khoa hok, kŏng ngê̆, pơhlêh nếo tơmiât pêi rơkê ƀă cheăng kâ krê; hlối mơnhên WEF rơhêng vâ thăm tơrŭm cheăng ƀă Việt Nam. Troh hơnăm APEC 2027 xua Việt Nam chêh inâi po hôp, WEF hbrâ tơrŭm a râ kăn xiâm, tơdjêp khu tê mơdró ƀă mâu khu tơrŭm cheăng lâp plâi tơnêi.

Ngế pro xiâm hnê ngăn tơnêi têa pơkâ thế WEF kơjo kum hnê cheăng ƀă kong ngê̆, hnê tuăn ngôa rơkê, tơ’mot ‘no liăn cheăng ƀă rĕng châ mơjiâng Khu tơrŭm cheăng ăm pơla mâu hơnăm pơtối.