Tơbleăng a rôh hôp, pô Phạm Minh Chính Ngế pro xiâm hnê ngăn tơnêi têa pơkâ thế tơkŭm tơbleăng rôh tơ’noăng vâ pê klêi tơdroăng cheăng pơkâ. Ƀă troăng hơlâ “Mơdêk, mơ-eăm kơhnâ, mơ-eăm pêi cheăng, pêi cheăng tơƀrê, ôh tá tơklâ kuăn pơlê, kơhnâ hriĕn plĕng ki nếo, tơƀrê, a hngêi” Ngế pro xiâm hnê ngăn tơnêi têa tối tiah kố tung pơla pơkuâ pêi tuăn khên tơnôu, tuăn rơkê, ôh tá préa, hriê̆n plĕng ki nếo, rơkê ƀeăn, teăm tơdrêng, ai pơxúa.

Tung mâu tơdroăng cheăng ki akal, Ngế pro xiâm hnê ngăn tơnêi têa pơkâ thế hbrâ rơnáu chêh nhên khât mâu tơdroăng vâ tơpui a rôh hôp dêi tíu xiâm 13 ƀă rôh hôp má 10, Kuô̆k hô̆i hneăng 15. Pêi ahdrối tơniăn cheăng kâ kân, séa ngăn  liăn ôh tá kơnâ yă, pro tơniăn mâu tơdroăng thế tơdâng  kân dêi cheăng kâ ƀă mơnhông pê lo toneăm hên.

Ngế pro xiâm hnê ngăn tơnêi têapơkâ thế séa ngăn mâu tơdroăng, pro tơniăn kơcho mơdró tơmeăm, yă tê, mâlối cho mâu tơmeăm ki tơnêi têa rak ngăn. Mơhnhôk mơngế rôe xuá tung tơnêi têa, mơnhông kơchô mơdró tung tơnêi têa. Tơbleăng pêi kơtăng, teăm tơdrêng, tơbrê mâu Pơkâ dêi Khu xiâm kal kí. Tơbleăng, pêi tơbrê mâu kăn pêi cheăng kong pơlê 2 râ.