VOV4.Xơ Đăng - Kơxê lơ 14/3, pôa Phạm Minh Chính, Ngế pro xiâm hnê ngăn Chin phuh, Ngế pơkuâ hnê mơhno tơnêi têa ‘na hbrâ mơdât, COVID-19 hiăng veăng leh trâm mâ, mơnê mâu khu tơrŭm cheăng lâp plâi tơnêi hiăng kum Việt Nam tung tơdroăng hbrâ mơdât COVID-19 xua khu xiâm tơpui kâ tơrŭm cheăng ƀă Khu lâp kong têa a Việt Nam tơkŭm po.

A leh trâm mâ, pôa Phạm Minh Chính ăm ‘nâi, hơnăm 2022, Việt Nam mơ-eăm cho hơnăm plâ ƀlêi trâng, chôa lâng “pro hmâ‘’ ƀă COVID-19, mơdêk ‘mâi mơnhông rĕng, mơnhông cheăng kâ rêh ối - krá tơniăn ton, tơmâng khât troh rêh ối kuăn pơlê. Hlo pơreăng tâ tú rơ-iô tiô tối hdrối kô pơtối tâ tú rơ-iô nếo, pá vâ ‘nâi hdrối, troăng rơhlâ pơtối mơdât tâ tú, ôh tá lôi hâ ho tung hngêi pơkeăng khăm pơlât, Việt Nam dế mơdêk pê klêi tơdroăng pâk vaccine trum má 3 ăm mơngế kơpêng 18 hơnăm ƀă pê klêi trum pâk má 2 ăm mâu ngế sap 12 hơnăm - 17 hơnăm; hbrâ pâk ăm vâi ‘nĕng ing 5-11 hơnăm, tí tăng ‘nâi plĕng vâ pâk trum má 4 ƀă pâk ăm vâi hdrêng pá xôp 5 hơnăm; mơdêk ivá khăm pơlât, malối cho ivá ‘na pơkeăng hbrâ mơdât ƀă hngêi pơkeăng pơlât; Tơbleăng tơ-brê tơdroăng hbrâ mơdât pơreăng COVID-19 tro tiô khoa hok.

Gương tơplôu ƀă tơbleăng