VOV4.Xơ Đăng - Kơxo lơ 21/2, a Hà Nội, pôa Phạm Minh Chính, Ngế pro xiâm hnê ngăn Chin phuh veăng ƀă ai ƀai xông tơpui ki kal a Hneăng hôp tơpui tơno Khu tê mơdró Việt Nam rêm hơnăm ƀă dó inâi ‘’Rak tơniăn ƀă mơnhông mơdêk tơdroăng mơjiâng pro tê mơdró tung tơdroăng tiah hmâ nếo’’. Xông tơpui a Hneăng hôp tơpui tơno, pôa Phạm Minh Chính tối rơdêi, hơnăm 2022 cho hơnăm ki kơnía kal khât ƀă Việt Nam, pro xiâm kối vâ pêi pro mâu pơkâ, troăng prôk ton xŏn troh hơnăm 2030.

Tâ tá rôh hôp

Việt Nam dế ai roh tơ’lêi mơnhông mơdêk ó rơdêi tiô ivá tâi tâng tơnêi têa, tơmeăm khoăng tơ’lêi hlâu mơnhông mơdêk, tíu cheăng, tơdroăng ki loi tơngah dêi tơnêi têa klêi kơ’nâi 35 hơnăm pơ’lêh nếo. Kố xuân cho roh pơloăng mơnúa, tơdroăng ki tơmiât pêi rơkê ƀă ivá kâi trâng ƀeăn ƀĕng tá Chin phuh ƀă khu tê mơdró vâ rơtế dêi pó tơkâ hluâ pá puât tiô hiâm mơno ‘’rơtế dêi pó mơhé pá puât’’, ‘’pơxúa tơtro, trâm pá veăng kum dêi pó’’.

A ngiâ pêi pro châ tơƀrê tơdroăng rak tơniăn ƀă mơnhông mơdêk cheăng kâ – rêh ối pơlê pơla, ƀă Tơdroăng tâi tâng hbrâ mơdât pơreăng COVID-19, thăm pêi pro tơdroăng pâk vaccine.

A Sa Ly tơplôu ƀă tơbleăng