Ngế pro xiâm hnê ngăn tơnêi têa tối pơchân Đảng ƀô̆ kong pơlê Thanh Hóa kal thế ‘nâi nhên mâu tơdroăng, ngăn nhên tơdroăng pơkâ,  mâu troăng hơlâ ki tro, hnê mơhno dêi Đảng; thế khên tơnôu, tá xâu klâi, ôh tá tơngôu hên ki tơ’lêi hlâu, la xuân ôh tá xâu hlo xơpá. Chôu pâ tuăn tơmiêt “kuăn pơlê xo xiâm rêi’’ tung tŭm tơdroăng cheăng; thế ‘nâi tơmâng kuăn pơlê tơpui, thế xua ing kuăn pơlê, thế tơniăn tŭm tơdroăng luât pơkâ tŏng gum xuân thế tơmiât troh kuăn pơlê.

Tung mơnhông cheăng kâ, thế tơmâng tơkŭm pêi 4 tơdroăng ki xiâm mê cho Nghi Sơn, Sầm Sơn, Bỉm Sơn ƀă Lam Sơn; mơjiâng luât pơkâ, tŏng gum bro mâu tíu xiâm mê chiâng khu xiâm djâ troăng ahdrối tung cheăng kâ dêi kong pơlê. Ngế pro xiâm hnê ngăn tơnêi têa  tối nhên hnoăng cheăng tơbleăng pêi rôh má 2 Khu  hrik pơhriâ têa châu Nghi Sơn, mơnhông kơno tuk ki Tơkŭm dêi Ngi Sơn chiâng  kơno tuk tơnêi têa, tíu xiâm logistics kơpong ƀă môi tung mâu kơno tuk lâp plâi tơnêi ki kân a peăng Kơnhŏng, pro xiâm vâ Thanh Hóa pêi cheăng châ tơƀrê tung mâu hơnăm la ngiâ.