VOV4.Xơ Đăng - Kơxê lơ 19/1, a Pơlê kong kân Hồ Chí Minh, pôa Nguyễn Trọng Nghĩa, Ngế xiâm mơhnhôk cheăng kal dêi tơnêi têa hiăng lăm pôu mâu tíu pêi cheăng, mâu ki rơkê, rơpŏng hngêi ki xơpá tung pơlê kong kân drêng troh Têt Lo hơnăm nếo Nhâm Dần hơnăm 2022. Troh lăm pôu Ƀơrô kring vế tơniăn tung măng ƀă hbrâ mơdât mâu ki ai xôi ‘na xúa kơmăi kơmok ki lĕm nếo pôa Nguyễn Trọng Nghiã, Kŏng an Pơlê kong kân Hồ Chí Minh púi vâ pơlê kong kân pơtối rak vế mâu hnoăng châ tơ-ƀrê, hlối kring vế tơniăn kal kí, tơniăn pơlê pơla, hlối cho mâu lêng ki xiâm tung hbrâ mơdât pơreăng, mâu khu ki pơkuâ xiâm tung kring tơniăn pơlê pơla cheăm bêng.

Ngế xiâm ngăn ‘na tơdroăng kal xiâm hbru tơmeăm jâ têa hbru Triệu Lệ Anh, pơlê krâm 5

Pakĭng mê, pôa Nguyễn Trọng Nghiã ăm ‘nâi, troăng rơhlâ dêi Đảng, Tơnêi têa ‘na ‘mâi mơnhông cheăng kâ - rêh ối tơkŭm a 5 tơdroăng ki kân. Tung mê ai tơdroăng hbrâ mơdât pơreăng COVID-19; pêi pro tro tơdroăng cheăng rêh ối; pro tơdroăng tê mơdró tơ’lêi hlâu ăm khu mơdró ‘mâi mơnhông cheăng kâ tê mơdró.

Gương tơplôu ƀă tơbleăng