VOV4.Xơ Đăng - Kơxo lơ 21/1, a Tây Ninh, pôa Nguyễn Trọng Nghĩa, Ngế xiâm ngăn mơhnhôk cheăng kal kí xiâm Tơnêi têa rơtế ƀă mâu kăn hiăng lăm pleăng hơvĭng reăng a ilâng kiâ mâu mố đô̆i; lăm pôu ngăn Sư đoân 5 lăm pôu hlối hbru tơmeăm ăm mâu rơpŏng ai hnoăng tơnêi têa, rơpŏng kơtiê, mâu ngế xơpá a cheăm Thái Bình, tơring Châu Thành. A cheăm Thái Bình, tơring Châu Thành, Ngế xiâm ngăn mơhnhôk cheăng kal kí xiâm Tơnêi têa hiăng diâp 40 kơxuô tơmeăm, ăm rơpŏng ai hnoăng, rơpŏng kơtiê, kuăn pơlê ki xơpá xua pơreăng COVID-19.

Tơpui tơno ƀă kuăn pơlê ƀă mâu kăn ƀô̆ mâu cheăm tơring, pôa Nguyễn Trọng Nghiã ăm ‘nâi, tơdroăng rêh ối tơmâng tŏng kum mâu rơpŏng kơtiê xơpá châ khu kăn Đảng ƀă Tơnêi têa tơmâng khât, malối tung rôh Têt rơnó hơngui troh. Kơxê lơ 21/1, pôa Nguyễn Trọng Nghiã pơtối lăm pôu, diâp tơmeăm ăm mâu kuăn pơlê ki pêi cheăng a hngêi kơmăi a tơring Gò Dầu, kong pơlê Tây Ninh.

Gương tơplôu ƀă tơbleăng