Veăng ai mâ ƀă tơpui a rôh leh, pôa Nguyễn Chí Dũng, Phŏ Ngế pro xiâm hnê ngăn tơnêi têa tối nhên, hâi lơ 16/4/1975 cho hdró rôh ki bâ eăng tung tơplâ kăch măng dêi Đảng ƀô̆, khu lêng ƀă kuăn pơlê Ninh Thuận, tơnêi mâu ngoh khên tơnôu, hiâm mơno mơ-eăm, châ diâp ăm inâi “Ngế khên tơnôu Khu lêng kring vế kuăn pơlê”. Klêi tơnêi têa châ tơleăng, tơkâ luâ hên tơdroăng xơpá ƀă kong kế tơnêi tíu tôu mơdrăng, Ninh Thuận rế hía rế mơ-eăm mơnhông.

Sap ing môi kong pơlê kơtiê, nôkố Ninh Thuận hiăng pêi châ liăn hên, tâk châ 8,74%, ối tung khu ki xiâm dêi lâp tơnêi têa. Phŏ Ngế pro xiâm hnê ngăn tơnêi têa pơkâ thế kong pơlê pơtối mơnhông khôi hmâ, mơdêk rơdêi tơdroăng pơhlêh nếo tơmiât pêi rơkê, xúa ki pơxúa, pro kơpong tơnêi ki tôu mơdrăng khăng khoăng kố chiâng tơnêi pêt mơjiâng tơmeăm krá ton, pêi pro tơƀrê tơdroăng pro lế lĕm tíu pêi cheăng kơ koan cheăng tơnêi têa, mơjiâng pro khu kăn pơkuâ péa râ tiô troăng pơkâ, túa tơmiât troh Hneăng hôp Đảng lâp tơnêi têa rôh má 14.