Tơkŭm po troh hâi lơ 25/1, hneăng hôp dó inâi: “Pá kơdâm hlá cơ ƀlêi trâng dêi Đảng, tơdjuôm ivá, môi hiâm mơno pêi pro ƀlêi trâng mâu pơkâ mơnhông mơdêk tơnêi têa troh hơnăm 2030; pơkuâ xêh troăng pêi cheăng ton xŏn, khŏm mơ-eăm xêh, loi tơngah, pêi pro rơdêi tung chal xông mơ-eăm dêi tơná dêi hdroâng mơngế, xua hơniâp lĕm, tơniăn krê, kuăn pơlê pơkuâ dêi hnoăng cheăng, kro mơdrŏng rơdêi, mơnhông tơtêk rơdêi, rơkê, hơniâp lĕm, krá tơniăn to chuh ngiah pơlê pơla’’.

Hneăng hôp roh má XIV kô tơpui tơno, tơbleăng mâu mơ-éa ki kal: Tơbleăng Kal kí dêi Khu pơkuâ Xiâm hneăng má XIII; Tơbleăng mơgêi mâu tơdroăng tơpui leăng ƀă tơdroăng nôkố ‘na tơdroăng pơhlêh nếo

tiô troăng xah hô̆i chuh ngiah tung 40 hơnăm hiăng hluâ a Việt Nam; Tơbleăng mơgêi 15 hơnăm pêi pro Điêu lê̆ Đảng ƀă pơkâ, mơnhên troăng prôk la ngiâ tơ’nôm, ‘mâi rơnêu Điêu lê̆ Đảng; Tơbleăng hvái ngăn tơdroăng pơkuâ, hnê mơhno dêi Khu pơkuâ Xiâm Đảng hneăng má XIII.

Mơ-éa ki kal Hneăng hôp má XIV hiăng chiâng tơdroăng môi tuăn trâu hơngế pơla troăng tơmiât dêi Đảng ƀă hiâm mơno kuăn pơlê, drêng tơdah châ lối 14 rơtuh roh rơkong tơpui dêi kăn ƀô̆, đảng viên, mâu ngế tuăn ngôa rơkê, mâu ngế hriăn plĕng ƀă mâu râ kuăn pơlê tung tơnêi têa ƀă kong têa ê. Hneăng hôp kăn teăng mâ lâp tơnêi têa roh má XIV dêi Đảng cho tơdroăng ki hdró dêi tơdroăng loi tơngah ƀă pói vâ, ivá rơdêi hdroâng mơngế ƀă môi tuăn dêi kuăn pơlê, djâ tơnêi têa po tơngah prôk rơdêi tung chal nếo: hơniâp lĕm, tơniăn krê, kuăn pơlê pơkuâ dêi hnoăng cheăng, kro mơdrŏng rơdêi, xông rơdêi, rơkê, hơniâp lĕm.