Tung  la ngiâ, Ngế pro xiâm hnê ngăn tơnêi têa tơkŭm hnê mơhno, hnê mâu tơdroăng cheăng pêi ki kal tung mê tối nhên, tơkŭm pêi tro tơdroăng cheăng hnê tối, pro môi tuăn ƀă hlê nhên, môi tuăn tung mâu râ kuăn pơlê a kong pơlê, kal thế tơbleăng pêi tŭm, nhên, mơ-eăm mơhnhôk, pro môi tuăn tung tâi tâng mâu khu cheăng kal kí, môi tuăn veăng ƀă kuăn pơlê.

Xing xoăng tiô tíu pêi cheăng thế tơniăn tung tâi tâng, tơdâng, pêi tro tiô tơdroăng cheăng pơkâ tiô kơ hơnăm, rêm hơnăm ai pêi tơdroăng kal, ai túa pêi ăm tơtro, krá, hbrâ rơnáu, pêi tơƀrê, tíu ki tơ’lêi hlâu thế pêi hdrối, tíu ki hâi ai liăn kô tí tăng ngăn mâu tơdroăng vâ pêi ăm tơtro.

Ngế pro xiâm hnê ngăn tơnêi têa pơkâ thế, xing xoăng tíu pêi cheăng tơnêi têa râ tơring, cheăm thế rơtế  ƀă tơdroăng hơ’lêh nếo, xing xoăng tơkŭm khu cheăng kal kí pêi iâ ngế, la tơdroăng cheăng pêi tơƀrê, pơxúa; mơnhông rế rơkê hnoăng cheăng mâu kăn bô̆, kŏng chưk, viên chưk; pêi cheăng hơ’lêh tiô túa nếo ‘na tơdroăng cheăng tơnêi têa, mơjiâng mâu kăn cheăng tiô kơxô̆, rêh ối kơxô̆.