Phŏ kăn xiâm hnê ngăn tơnêi têa tơmâng xo kong pơlê hiăng kơhnâ tơbleăng pêi trâu rơdâ mâu tơdroăng tơ’noăng, pro ivá tơdjâk rơdêi tung pơlê pơla. Tung hneăng cheăng, Lâm Đồng ai lối 360 khu pêi cheăng, ngế krê châ kăn xiâm hnê ngăn tơnêi têa diâp Medái, inâi tơ’noăng, pri tơ’noăng, inâi hâk tơngăm Tơnêi têa; lối 500 ngế khu pú hên tơdah xo Hlá cơ tơ’noăng, Ƀâng khĕn kơdeăn dêi Chin phuh; lối 32 rơpâu khu pú hên châ khĕn kơdeăn râ kong pơlê rơtế ƀă hên tơdroăng pơ-ôu pơ-eăng ki ê.

Rôh kố, phŏ kăn xiâm hnê ngăn tơnêi têa diâp 200 kơxuô tơmeăm ăm hok tro kơtiê hriâm rơkê ƀă tơmeăm ăm mâu ngoh khên tơnôu khu lêng kring vế kuăn pơlê veăng hôp a hneăng hôp. Hneăng hôp kố hiăng khĕn kơdeăn, diâp pri ăm 15 ngế pú hên, ngế krê ki kơhnâ rơkê tung hên kơvâ cheăng, veăng gum mơhnhôk tơdroăng tơ’noăng pâ nhuô̆m tơnêi têa hơnăm 2025-2030.