Tơpui pơxiâm po hôp, pôa Trần Thanh Mẫn, Kăn xiâm hnê ngăn Kuô̆k hô̆i tối nhên, tung pơla hdrối kố nah, xua tơdroăng pơkuâ tâi tâng dêi Đảng, tơdroăng hnê mơhno kơtăng dêi Tơnêi têa, Khu xiâm pơkuâ tơdroăng kal kí, Khu kăn pơkuâ ngăn Đảng rơtế ƀă tơdroăng veăng gum dêi khu pơkuâ tơdroăng kal kí, hiâm mơno môi tuăn, tơdjuôm ivá dêi tâi tâng kuăn pơlê, tơnêi têa hiăng pêi châ hên tơdroăng ki kân, tŭm têk, ai pơxúa sap nah tá hâi chói ai Tiô tơdroăng, tung dâng 40 hâi pêi cheăng, Kuô̆k hô̆i kô séa ngăn, tơpui tơno ƀă pơkâ hên tơdroăng ki kal, tơdroăng cheăng tung la ngiâ, tung mê, ai 53 tơdroăng tơkêa luât, tơdroăng pơkâ, tung mê, ai 49 luât.

Kăn xiâm hnê ngăn Kuô̆k hô̆i tối rơdêi, kố cho tơdroăng mơhno ăm tơdroăng lĕm tro ăm hiâm mơno tơdroăng luât athế prôk ahdrối môi hvêa, po troăng ăm tơdroăng pơhlêh nếo tơmiât pêi rơkê, xo tơdroăng rêh ối, tơdroăng ki pơxúa dêi Kuăn pơlê pro loăng rêk vê ăm troăng hơlâ.