Hneăng hôp khu kăn Đảng ƀô̆ Chin phuh ai inâi: “Mơjiâng Đảng ƀô̆ Chin phuh krúa rơdêi; tơrŭm, djâ troăng ahdrối tung khoa hok, kong ngê̆, pơhlêh nếo tơmiât pêi rơkê, pơhlêh kơxô̆; thăm mơnhông tơƀrê, mơnhông tơnêi têa rĕng ƀă tơniăn tung chal mơ-eăm tơná, kro rơdêi, rơkê, mơdrŏng, hơniâp lĕm”.

Hdrối mê, hâi lơ 12/10, mâu kăn hiăng tơpui tơno ‘na hlá mơ-éa dêi Hneăng hôp 14 dêi Đảng, mơhno ivá khŏm mơ-eăm ‘na tơdroăng kal kí tung pêi pro mâu pơkâ mơnhông. Pơchuât tơbleăng tơdroăng kal kí a Hneăng hôp tối pái tơdroăng ki mơnhông tung la ngiâ: pêi klêi troăng pơkâ cheăng kâ kơchơ mơdró tơmiât troh Xah hô̆i chuh ngiah; hnê mâu ngế pêi cheăng rơkê tro ƀă khoa hok – kong ngê̆ ƀă pơhlêh kơxô̆; mơnhông tơdâng tơ’mô mâu hngêi trăng, troăng klông, malối cho mơnhông hiâm mơno djâ troăng ahdrối, khên tơmiât, khên pêi, khên pôu râng dêi mâu kăn ƀô̆, đảng viên tung hneăng ki nếo.