Rôh kơ’nêi mâu ngế tro kroăng phâk rôh kố po rơdâ tá ngế ki châ ăm lo ƀă tơdroăng ki chiâng vâ châ lo tâng pơchông ƀă rôh ăm lo hâi lơ 30/4 pơla hdrối kố nah. Tiah mê, ngế ki châ ăm lo mê cho: Ngế ki dế pêi pro ối tung hngêi phâk ai hâi khế pơkâ, ngế ki tro thế kroăng phâk troh tá ah hiăng châ kơdroh ối tung hngêi phâk ai hâi khế pơkâ ăm lo, ngế ki dế tro pơxâu pêi pro tơdroăng kroăng phâk.

Ngế ki châ pơkâ thế ăm lo athế ai hên tơdroăng pêi ki ‘ló, hlê plĕng tung pơla kroăng phâk ƀă châ ối pơxá pêi pro kroăng phâk chía rơkê tơngi klêng tiô pơkâ dêi luât. Hên khu ngế ki pro xôi rôh apoăng châ séa ngăn ăm lo, môi tiah: Pro xôi mơhnŏng vâ pro ngế ki ê rong râ, xôi ing péa tơdroăng xôi ngi klêng ƀă hên ki ê. Kố cho rôh ăm lo ki má péa tung hơnăm 2025, tung hơnăm châ po hên tơdroăng kal kí, tơpui kâ ki kal dêi tơnêi têa, rế pro mơnhông ki pơxúa kal kí, luât ƀă tŏng gum dêi troăng hơlâ ăm lo.