Tơpui koh hâk kơ pôa Trần Cương, Ngế cheăng tung Khu pơkuâ Xiâm Đảng Kŏng san Sinuâ, Kăn pơkuâ hnê ngăn cheăng Đảng Kơpong pơkuâ xêh hdroâng kuăn ngo Choang Quảng Tây rơtế ƀă mâu dêi Sinuâ, pôa Trần Đại Thắng, Ngế cheăng tung Khu pơkuâ ngăn Xiâm Đảng Kŏng san Việt Nam, Kăn pơkuâ hnê ngăn cheăng Đảng kong pơlê Quảng Ninh tối rơdêi Đảng ƀă Tơnêi têa, Kuăn pơlê Việt Nam ngăn nhuô̆m khât tơdroăng ‘mâi mơnhông ƀă mơdêk tơrŭm cheăng kong têa tơrŭm tung la ngiâ tŭm têk Việt Nam – Sinuâ; ngăn mơnhông tơrŭm cheăng ton xŏn, tơrŭm rơtế ai pơxúa ƀă Sinuâ.

Tung rôh po tơdroăng, Kăn pơkuâ ngăn Đảng 5 to kong pơlê/Kơpong kô kĭ hlá mơéa Hôp tơpui tơno, rơtế tối tơbleăng pơlê kong kân Hải Phòng păng ‘nâng mot tung rôh tơrŭm trâm mâ apoăng Hơngui ƀă Vi ƀan tơdroăng cheăng khu tơrŭm.