Phŏ Ngế pro xiâm hnê ngăn tơnêi têa mơnhên mâu tơdroăng ki ó rơdêi dêi Chin phuh Việt Nam ‘na khŏm mơ-eăm pơhlêh nếo ó rơdêi troăng tơmiât, mơjiâng, pêi kêi đeăng tơdâng tơ’mô troăng pơkâ pêi ‘na cheăng kâ, kal kí, khôi túa lĕm tro, rêh ối pơlê pơla, kong prâi; mơnhông tâi tâng tơmeăm ki ai hlâu ƀă kơxô̆ liăn, mơjiâng ăm tơdroăng nếo ăm tơdroăng mơnhông mơdêk rĕng ƀă krá tơniăn tơnêi têa, pêi pro pơkâ djâ tơnêi têa mơnhông mơdêk tung rơxông nếo.

Việt Nam đi đo mơ-eăm troăng prôk tơpui kâ ƀă kong têa ê tơniăn krê, pơkuâ xêh; hên troăng, hên túa; cho pú hmâ lĕm, cho khu tơrŭm ki loi tơngah, cho khu tơrŭm ki hôm ‘nâng, ai hnoăng cheăng dêi mâu kong têa lâp plâi tơnêi. Phŏ Ngế pro xiâm hnê ngăn tơnêi têa krếo thế mâu khu tê mơdró, khu mơ’no liăn cheăng UAE, Trung Đông ƀă mâu kong têa mơ’no liăn cheăng tung kơvâ ki kơjo dêi Việt Nam nôkố môi tiah pơhlêh ngiât, pơhlêh xúa kŏng ngê̆, pơhlêh nếo tơmiât pêi rơkê, kŏng ngê̆ rơxông nếo, AI, kế ki chiâng hrik mơ’no hyôh, on tơhrik ki vêh pro.