Roh kố, ai 8 ngế kăn ƀô̆ châ pơtroh, rah xo, pơkâ pôu râng hnoăng inâi kăn pơkuâ ki xiâm dêi kong pơlê, tung mê ai 3 Tĭnh uy viên. Khu pơkuâ tơdroăng cheăng Đảng kong pơlê Lâm Đồng pơkâ rah xo pôa Đinh Văn Tuấn, pơto pro Kăn pơkuâ hnê ngăn cheăng Đảng tơring Di Linh vâ tơdah hnoăng cheăng pro Phŏ kăn hnê ngăn Vi ƀan kong pơlê Lâm Đồng hneăng hơnăm 2021 – 2026.

Tơdrêng amê, rah xo pôa Trần Hồng Quyết pơtê pro Kăn pơkuâ Khu pơkuâ kăn ƀô̆, rah xo veăng tung Khu pơkuâ Đảng ƀô̆ tơring Di Linh, to pro Kăn pơkuâ tơdroăng cheăng Đảng tơring Di Linh hnoăng cheăng hơnăm 2020 – 2025. Khu pơkuâ tơdroăng cheăng Đảng kong pơlê Lâm Đồng xuân rah xo jâ Phạm Thị Hồng Hải, Kăn pơkuâ Khu pơkuâ hnê hriâm ƀă Hnê mơjiâng troh Khu pơtâng tối ƀă mơhnhôk kuăn pơlê Tỉnh ủy to pro Phŏ Kăn pơkuâ. Rah xo pôa Vương Tôn Kiên to pro Phŏ Kăn pơkuâ ƀơrô Tỉnh ủy; pôa Nguyễn Văn Hữu pro Phŏ Kăn pơkuâ hnê ngăn cheăng Đảng tơring Đơn Dương...

Xông tơpui hnê mơhno a hneăng hôp, pôa Nguyễn Thái Học, pôu râng hnoăng Kăn pơkuâ hnê ngăn cheăng Đảng kong pơlê Lâm Đồng mơnhên, tơdroăng rah xo kố ing pơkâ hnoăng dêi mâu tơring, khu cheăng, ivá pêi cheăng dêi kăn ƀô̆ ƀă ai tơmiât troh rah xo mơngế pêi cheăng dêi Tỉnh ủy vâ gum ăm Hneăng hôp Đảng ƀô̆ kong pơlê roh má XII, pêi pro tro tơdroăng rah xo tro mơngế ƀă pơcháu tro tơdroăng cheăng.