VOV4.Xơ Đăng - Drêng troh leh Têt tiô khôi hmâ Chôl Chnăm Thmây hơnăm 2022, teăng mâ Vi ƀan xiâm Măt rrâ̆n tơnêi têa Việt Nam, Kăn hnê ngăn Tíu xiâm Đảng, Kăn hnê ngăn Vi ƀan xiâm Măt trâ̆n tơnêi têa Việt Nam, pôa Đỗ Văn Chiến hiăng pơtroh kơthô rơkâu ăm mâu ƀok phop ƀă kuăn pơlê Khmer. Tung kơthô ai chêh, pôa Đỗ Văn Chiến pơtroh ăm mâu ƀok phop ƀă kuăn pơlê hdroâng kuăn ngo Khmer ing rêm tíu tung lâp tơnêi têa rơkong rơkâu li lê̆m tro môi hơnăm nếo mo le\m châ, trâm pon mơhúa, trâm hên tơdroăng hơniâp lê̆m.

Tơdah Têt Chôl Chnăm Thmây hơnăm 2022, pôa Đỗ Văn Chiến púi vâ mâu  ƀok phop ƀă kuăn pơlê kuăn ngo Khmer pơtối rak vế pêi pro tơdroăng ki le\m  ton nah dêi kuăn ngo, môi tuăn môi mơno ƀă tâi tâng Đảng, tâi tâng kuăn pơlê, tâi tâng mâu lêng mơdêk mâu tơdroăng tơ’noăng pâ nhoăm tơnêi têa, mơ-eăm pêi tơ-brê mâu pơkâ mơnhông cheăng kâ- rêh ối pơlê pơla hiăng châ Tíu xiâm, kong pơlê, tơmâng pêi tro mâu pơkâ hbrâ mơdât pơreăng, tơniăn, rak ivá mo lê̆m, tơniăn ‘na châ rêm ngế kuăn pơlê, môi tuăn, môi mơno pêi tơ-brê mâu luâtpơkâ tŏng kum kuăn ngo dêi Đảng ƀă Tơnêi têa, malối tơdroăng tơkêa ƀă Tơdroăng pơkâ tơnêi têa mơnhông cheăng kâ rêh ối kơpong hdroâng kuăn ngo ƀă kong ngo pơla hơnăm 2021-2030.

Tơdrêng amê, kal mơ-eăm rak vế khôi túa vêa vong ki le\mtro dêi hdroâng kuăn ngo Khmer, hên túa môi tuăn tung tơdroăng mơhno túa le\m tro Việt Nam hên vêa vong ki le\m tro dêi hdroâng kuăn ngo.

Gương tơplôu ƀă tơbleăng