Pôa Hồ Quốc Dũng, Phŏ Ngế pro xiâm hnê ngăn pêi cheăng ƀă Khu râ kăn pơkuâ kong pơlê Gia Lai
Thứ hai, 10:59, 10/11/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - A tíu pêi cheăng Vi ƀan kong pơlê Gia Lai, pôa Hồ Quốc Dũng, Phŏ Ngế pro xiâm hnê ngăn tơnêi têa rơtế khu râ kăn pêi cheăng dêi Chin phuh hiăng pêi cheăng ƀă khu râ kă pơkuâ kong pơlê ‘na tơdroăng hbrâ ví ƀă rơnêu kế tơmeăm khoăng xua mơhot roh má 13.
Tơbleăng ƀă khu râ kăn pêi cheăng, pôa Nguyễn Tuấn Thanh, Phŏ Kăn hnê ngăn hnê mơhno má môi Vi ƀan kong pơlê Gia Lai tối ăm ‘nâi, mơhot roh 13 hiăng pro tro lŭp râ a kong pơlê ƀă 2 ngế hlâ, 8 ngế tro rong, tro lŭp tơmeăm khoăng tiô riên dâng 5.000 rơtal liăn. Chin phuh hiăng pơkâ tŏng gum thâ 80 rơtal liăn ăm mâu kong pơlê ki tro tơdjâk, tung mê Gia Lai ƀă Dak Lak rêm kong pơlê 30 rơtal liăn.
Pôa Hồ Quốc Dũng, Phŏ Ngế pro xiâm hnê ngăn tơnêi têa pơkâ thế, mâu tơdroăng pêi ki Gia Lai kal pêi tơdrêng vâ rơnêu kế tơmeăm khoăng dêi mơhot 13, rak tơniăn tơdroăng rêh ối kuăn pơlê.
Viết bình luận