Kơxo hâi lơ 2/10, Tỉnh ủy Quảng Ngãi tơkŭm po hôp tơbleăng pơkâ dêi Khu xiâm kal kí ‘na tơdroăng  kăn ƀô̆. A hneăng hôp, pôa Hoàng Đăng Quang, Phŏ Ngế pơkuâ Khu tơrŭm cheăng Xiâm tơbleăng pơkâ dêi Khu xiâm kal kí ‘na tơdroăng cheăng kăn ƀô̆. Ing mê, Khu xiâm kal kí pơkâ thế, xoăng ăm pôa Hồ Văn Niên - Phŏ ngế pơkuâ Khu xiâm ngăn Kuăn ngo ƀă Loi tĭng, veăng pêi cheăng tung Khu kăn hnê ngăn Tỉnh ủy Quảng Ngãi hneăng 2025-2030 ƀă pro kăn hnê ngăn Tỉnh ủy Quảng Ngãi hneăng 2025-2030, teăng jâ Bùi Thị Quỳnh Vân châ  Khu xiâm Kal kí rah xo,  pro Phŏ khu Tơrŭm cheăng Tíu xiâm.

Pôa Hồ Văn Niên kot mâ hâi lơ 15/10/1975; kuăn ngo Bơhnéa; pơlê xiâm kong pơlê Gia Lai; hriâm Cử nhân Luật, Cử nhân Lý luận Chính trị. Tối tơbleăng drêng xo pêi hnoăng cheăng, pôa Hồ Văn Niên, Kăn hnê ngăn Tỉnh ủy Quảng Ngãi tối, tơdroăng Khu xiâm kal kí xoăng cheăng pro Kăn hnê ngăn Tỉnh ủy Quảng Ngãi cho tơdroăng hâk tơngăm kân ƀă pôa.

Pôa Hồ Văn Niên tơhrâ đi đo pêi pro tiô troăng hơlâ kal kí, tơdroăng ki lĕm; djâ troăng a hdrối, môi tuăn khu pú hên dêi mâu kăn, Khu kăn Đảng ƀô̆ kong pơlê mơhnhôk tơrŭm môi tuăn, pê klêi mâu pơkâ hneăng hôp Đảng ƀô̆ kong pơlê rôh má 20, hneăng hơnăm 2025-2030 ai pơkâ.