VOV4.Xơ Đăng - Hâi lơ 11/3/2022, Kơ koan teăng mâ Rơ’jiu Việt Nam kơpong Tây Nguyên rơtế ƀă khu pơkuâ cheăm bêng ƀă rơpŏng hngêi, nhŏng o, pú hmâ, mâu ngế pêi cheăng rơtế hiăng chiân djâ poăng pôa Kpă Simon, ngế chêh hlá tơbeăng, xuân cho kăn phŏ pơkuâ Kơ koan Rơ’jiu Việt Nam kơpong Tây Nguyên vêh pơtê ối má mơ’nui a cheăm Čư̆ Mố, tơring Ia Pa, kong pơlê Gia Lai.

Mơd^ng lăm pôu ngăn pôa Kpă Simon, Ngế chêh hlá tơbeăng

A 15 chôu 20 phut hâi lơ 9/3/2022, pôa Kpă Simon, ngế chêh hlá tơbeăng, xuân cho kăn phŏ pơkuâ Kơ koan Rơ’jiu Việt Nam kơpong Tây Nguyên hneăng hdrối, xua tamo râ hiăng hlâ. Pôa kot mâ hâi lơ 3/8/1959, châ 63 hơnăm, ai lối 25 hơnăm pleăng dêi hnoăng cheăng ăm tơdroăng ki pơchuât tung rơ’jíu 6 to nâl hdroâng kuăn ngo a Tây Nguyên, a Kơ koan teăng mâ Rơ’jiu Việt Nam a kơpong Tây Nguyên, sap ing ngế ki tơplôu, pơchuât nâl Jarai, troh râ ki rak ngăn.

Ƀă nhŏng o pêi cheăng, pôa Kpă Simon cho ngế ki hmâ, achê, hơ-ui to\ng kum, cho ngế ki djâ ahdrối ‘na tơdroăng ki hâk vâ ƀă tơdroăng cheăng, hâk vâ tơdroăng mơhno túa lĕm tro, đi đo mơ-eăm tâi ivá rak vế nâl tơpui, chư chêh troh mâu tơdroăng mơhno túa lĕm tro hdroâng kuăn ngo Tây Nguyên, pôa séa ngăn, pơkâ tơrêm to câu chư, rah xo krâu tơrêm to tơdrá proâ.

Rơpo\ng hngêi, pú hmâ hiăng chiân djâ poăng Kpă Simon troh a ilâng a pơlê }ư\ Mố, Ia Pa, Gia Lai

Ƀă mâu ngế ki hmâng Rơ’jiu ki achê hngế, inâi Kpă Simon hiăng hmâ ƀă mâu pơlê achê hngế lâp kơpong Tây Nguyên, hdró to lâi khế hơnăm xua rơkong pơchuât hơniâp ro, tiô rêm kơ mâu túa hlá tơbeăng mơ’no tung Rơ’jiu.

Hngế ing tơnêi, klêi kơ’nâi to lâi hơnăm pêi cheăng a Ƀuôn Ma Thuột, kong pơlê Dak Lak, ngoh hiăng vêh ối tơniăn hlô̆ng hlối a tíu ki ngoh kot mâ a chêng ngo Čư̆ Mố, Bến Mộng dêi têa kroăng Pa (ối tung tơring Ia Pa, kong pơlê Gia Lai).

Katarina Nga tơplôu [ă tơbleăng