A hneăng hôp, Kuăn pơlê loi tơngah ƀă môi tuăn hên tơbleăng pôa Lê Hoài Trung tơbriât to pro kăn teăng mâ Kuô̆k hô̆i hneăng má XVI ƀă pói tơngah tâng châ rah xo kăn teăng mâ Kuô̆k hô̆i, pôa kô pơtối mơnhông tuăn ngôa rơkê, túa ki rơkê tơtro, hiâm mơno pôu râng hnoăng cheăng, veăng hên, châ tơƀrê tung mâu tơdroăng cheăng dêi Kuô̆k hô̆i, tơdroăng mơjiâng ƀă gâk kring Tơnêi têa, tơxâng cho ngế teăng mâ ăm tơdroăng ki mơ-eăm, pói vâ dêi  mâu ngế ki tâ phiu ƀă Kuăn pơlê.

Xông tơpui a hneăng hôp, Pôa Lê Hoài Trung, Ngế xiâm tơpui kâ mơnhên, tâng châ rah xo pro kăn teăng mâ Kuô̆k hô̆i kô pơtối mơnhông hiâm mơno pôu râng hnoăng cheăng hên má môi, pêi pro lĕm tro hnoăng dêi mơngế teăng mâ kuăn pơlê; tơtrŏng trâm mâ, trâm ƀă mơngế ki tâ phĭu; tơmâng mâu rơkong tơpui, troăng tơmiêt, pói vâ dêi kuăn pơlê vâ pơkâ ƀă kơ koan ai hnoăng ‘na mâu pơkâ ki kuăn pơlê pói tơngah. 100% kuăn pơlê a Hneăng hôp hiăng têk kŏng môi tuăn tơbleăng ƀă pôa Lê Hoài Trung veăng tơbriât to pro kăn teăng mâ Kuô̆k hô̆i hneăng má XVI.