Pôa Lê Hoài Trung, ngế xiâm tơpui kâ tơpui ƀă Ngế xiâm tơpui kâ Lếo
Thứ năm, 05:00, 11/09/2025
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Pôa Lê Hoài Trung, Ngế ki châ pôu râng cheăng Kăn xiâm tơpui kâ hiăng ai rôh tơpui phôn ing troăng hyôh măng ƀă pôa Thongsavanh Phomvihane, Ngế cheăng tung Tíu xiâm Đảng Nhân yân Kăch măng Lếo, Ngế xiâm tơpui kâ Lếo.
A rôh tơpui phôn, pôa Lê Hoài Trung tối nhên, Việt Nam đi đo ngăn mhuô̆m ƀă kơjo má môi tung tơrŭm cheăng ƀă Lếo: tối nhên kô pơtối tơrŭm krá tơniăn ƀă Khu xiâm tơpui kâ Lếo vâ veăng gum mơdêk rơdêi tơrŭm cheăng pơla péa tơnêi têa tối tơdjuôm ƀă pơla péa Khu xiâm tơpui kâ tối krê. Péa ngế kăn xiâm tơpui kâ hiăng môi tuăn kô pơtối tơrŭm krá tơniăn tơbleăng pêi tơƀrê mâu tơkêa khu râ kăn xiâm ƀă hbrâ rơnáu tro ăm mâu tơdroăng cheăng ki kal dêi rêm to kong têa xuân môi tiah pơla péa tơnêi têa tung la ngiâ.
Việt Nam hbrâ rơnáu tối ‘na ki rơkê plĕng, tŏng gum Lếo tung mơnhông cheăng kâ rêh ối pơlê pơla, malối cho tung pêi pro mâu pơkâ mơnhông mơdêk krá tơniăn ton.
Viết bình luận