A hneăng hôp, pôa Lê Minh Hưng tối nhên xo tơdroăng hiăng klêi pêi cheăng cho xiâm tơdroăng ki kal má môi vâ mơhno tơdroăng cheăng, xúa, pơhlêh hnoăng cheăng, pơkâ hdró, rah xo pôk, thế lăm pêi cheăng tíu ê, xoăng nếo tơdroăng cheăng pêi ăm kăn ƀô̆. Ngế pro xiâm hnê ngăn tơnêi têa tối nhên: Đảng ủi Chin phuh tơmâng khât, pro tơ'lêi hlâu vâ tơƀrê tung tơdroăng tối ‘na cheăng pêi, séa ngăn, rah xo kăn ƀô̆, malối tối tro tơdroăng hiăng klêi pêi; khŏm mơ-eăm tơkâ luâ ki pá pro "tơdâng tơ'mô", ví, pơtê ƀă xâu pôu râng hnoăng cheăng.

A hneăng hôp, Khu pơkuâ hnê ngăn Đảng ủi Chin phuh hiăng tơpui tơno, têk kŏng môi tuăn pơkâ kơlo pơxá ối má to lâi dêi 3 khế, ing khế 7 troh khế 9 hơnăm 2026 ƀă mâu kăn cheăng tung Khu pơkuâ hnê ngăn Đảng ủi Chin phuh; Tơpui tơno, têk kŏng môi tuăn rah xo ối má to lâi hnoăng cheăng tung 3 khế ing khế 7 troh khế 9 hơnăm 2026 tiô hnoăng pơkuâ ƀă kăn ƀô̆ ối tung Khu hnê ngăn Đảng ủi Chin phuh pơkuâ, mê cho: Phŏ kăn hnê mơhno cheăng, Ngế cheăng tung Khu pơkuâ hnê ngăn Đảng ủy mâu khu xiâm, kơ koan tơdâng khu xiâm; râ kăn phŏ mâu kơ koan tí tăng 'nâi plĕng, kum cheăng dêi Đảng ủi Chin phuh; Kăn hnê ngăn, Phŏ Kăn  hnê ngăn Đoân Droh rơtăm Chin phuh; Ngế cheăng tung Vi ƀan Séa ngăn Đảng ủi Chin phuh.