Rơkâu pôa Rajpal Singh, châ rah xo pôk pro Kăn teăng mâ  kong têa Singapore a Việt Nam, pôa Lê Minh Hưng, Ngế pro xiâm hnê ngăn tơnêi têa tối Singapore pơtối cho kong têa tơrŭm ki kal má môi dêi Việt Nam tung kơpong. Ngế pro xiâm hnê ngăn tơnêi têa pâ thế pơtối rak ƀă mơdêk mâu rôh lăm pôu, trâm mâ tơrá mâu kăn ƀă rêm râ; mơdêk tơƀrê tơbleăng pêi mâu tơrŭm cheăng pơla péa pâ, tung mê ai luât hôp rêm hơnăm pơla péa Ngế pro xiâm hnê ngăn tơnêi têa ƀă Hneăng hôp mâu Ngế xiâm tơdjêp péa pâ cheăng kâ, tung mê, ai luât hôp rêm hơnăm pơla péa Ngế pro xiâm hnê ngăn tơnêi têa ƀă Hôp mâu Ngế xiâm tơdjêp péa pâ ‘na cheăng kâ.

Ngế pro xiâm hnê ngăn tơnêi têa pâ thế péa pâ tơrŭm krá tơkŭm po châ tơbrê hôp Tơpui tơno troăng hơlâ Việt Nam - Singapore rôh má môi xuân môi tiah mâu rôh hôp kân tung hoăn 2027 drêng Singapore xo pêi hnoăng cheăng pro Kăn xiâm hnê ngăn ASEAN ƀă Việt Nam chêh inâi tơkŭm po APEC; mơdêk nhên mâu tơdroăng kĭ tơhrâ tơrá mâu kăn xiâm pơla péa tơnêi têa.