A rôh tơdah, Ngế pro xiâm hnê ngăn tơnêi têa tối nhên, Việt Nam ngăn nhuô̆m tơrŭm tơroâ khôi hmâ ƀă Croatia ƀă mơnhên tối khât mâu hvêa chêng prôk ki mơnhông tơƀrê tung tơrŭm cheăng pơla péa pâ tung pơla hdrối nah. Tung tơdroăng ki ai hlâu tơrŭm cheăng ối po rơdâ, Ngế pro xiâm hnê ngăn tơnêi têa pơkâ thế péa pâ thăm mơdêk rơdêi tâ nếo tơrŭm cheăng kâ, tê mơdró ƀă ‘no liăn cheăng; mơ-eăm rĕng mơdêk kơxô̆ liăn pêi lo ing tê mơdró pơla péa tơnêi tâk péa xôh tâng vâ pơchông ƀă kơlo 161 rơtuh USD nôkố.

Ngế pro xiâm hnê ngăn tơnêi têa xuân pơkâ thế hriăn plĕng mơjiâng troăng hơlâ Vi ƀan tơkŭm ‘na tơrŭm cheăng kâ vâ pro chiâng tơdroăng ki thăm mơdêk tơrŭm cheăng tơniăn, ton xŏn ƀă tơƀrê. Việt Nam mơhnhôk khu mơdró kâ Croatia thăm mơnhông ‘no liăn cheăng tung mâu kơvâ cheăng ki rơdêi môi tiah kơno tuk, logistics, on tơhrik vêh pro, ôm hyô, khoa hok – kong ngê̆, pơhlêh kơxô̆ ƀă hbrâ ví ƀă kong prâi pro pơhlêh.

Pôa Gordan Grlić Radman, Ngế xiâm tơpui kâ tối rơdêi Croatia đi đo ngăn nhuô̆m tơrŭm cheăng ƀă Việt Nam ƀă hbrâ rơnáu tơrŭm tơbleăng pêi tưƀrê mâu troăng hơlâ tơrŭm cheăng pơla péa pâ, thăm mơdêk tơrŭm khu mơdró kâ ƀă po rơdâ tơrŭm cheăng tung hên kơvâ cheăng ki péa pâ rơtế vâ ‘nâi.