VOV4.Xơ Đăng - Hlo tung mâu hâi achê kố, yă tê mâu tơmeăm tung tơnêi têa tâk, xua yă têa kơxăng lâp plâi tơnêi tâk, hâi lơ 14/3 a tíu pêi cheăng Chin phuh, pôa Lê Minh Khái, Ngế pro xiâm phŏ hnê ngăn tơnêi têa pơkuâ hneăng hôp ƀă mâu khu xiâm kơvâ cheăng, kong pơlê ‘na tơdroăng pơkuâ yă mâu tơmeăm ki kal, ki hmâ xúa môi tiah têa châu têa kơxăng, tơmeăm ki ê, tơmeăm mơjiâng hngêi trăng, meăm thêp, phon rơvât, tơmeăm pê lo ing chiâk deăng, tơmeăm xúa tung khăm  pơlât. tơbleăng a hneăng hôp, pôa Lê Minh Khái tối, tơdroăng séa ngăn nhên mâu tơmeăm ki tơdjâk ing yă têa châu, têa kơxăng cho kal khât vâ teăm pơxâu phâk mâu ngế ki rơhăm xúa drêng to kơnâ yă pro tơdroăng oh tá tro.

Ngế pro xiâm hnê ngăn tơnêi têa tối nhên, ƀă mâu tơmeăm tơnêi têa pơkâ yă ki hdrối tung pơla nôkố ôh tá séa ngăn tâk yă, malối mâu tơ-meăm tê mơdró ki ê. Krê to mâu tơmeăm tơnêi têa ôh tá pơkâ yă, Ngế pro xiâm hnê ngăn tơnêi têa  pơkâ thế séa ngăn nhên mâu tơdroăng ki vâ pro chiâng yă; séa ngăn nhên mâu ngế ki pro phá tơ ê, mâu tơmeăm ki tơdjâk kân troh tơdroăng rêh ối dêi kuăn pơlê, malối cho mâu ngế kơtiê. pơxâu phâk kơtăng mâu ngế ki lơ râng tơmeăm vâ pro pơxúa xêh ăm tơná.

Gương tơplôu ƀă tơbleăng