VOV4.Xơ Đăng - Kơxo lơ 25/2 a tíu pêi cheăng Chin phuh, pôa Lê Minh Khái, kăn hnê ngăn tíu xiâm Đảng, Ngế pro xiâm phŏ hnê ngăn tơnêi têa pơkuâ hneăng hôp Khu hnê mơhno pơkuâ ngăn ‘na yă dêi Chin phuh tơpui ‘na mâu tơdroăng mơgêi tơdroăng cheăng pơkuâ yă 2 khế hdrối ƀă troăng rơhlâ pơkuâ yă tung pơla mâu khế u ối tung hơnăm kố.

Tơdroăng ăm ‘nâi tơ’nôm ‘na têa châu têa kơxăng, pôa Đỗ Thắng Hải, Ngế xiâm phŏ ngăn tê mơdró ăm ‘nâi, tơdroăng tê têa châu têa kơxăng tung lâp plâi tơnêi pơtối ôh tá tơniăn xua ai tơdroăng hơkăng ‘na kal kí pơla Rusi ƀă Ukraina. Tung pơla mê, kơdĭng têa châu têa kơxăng a hên kong têa kơdroh ƀă mơngế kal vâ têa châu têa kơxăng tâk hên drêng mâu kong têa tơbleăng mâu tơdroăng ‘mâi mơnhông cheăng kâ, yă têa châu tê tung lâp plâi tơnêi hiăng luâ a kơlo 100 dollars/kơthung ƀă xuân dế pơtối to.

A rôh hôp kơpêng mê, tíu po ngăn tối tơbleăng hdrối ‘na yă mâu tơmeăm tê ki kal, khu veăng kum cheăng dêi Khu hnê mơhno pơkuâ yă po ngăn ai 3 túa tơdroăng chêh ‘na pơkuâ yă tung pơla sap khế pŭn troh khế tơdrốu ƀă mâu khế u ối dêi hơnăm kố.

Gương tơplôu ƀă tơbleăng