Pôa Lương Cường, Kăn xiâm hnê ngăn tơnêi têa veăng hôp a Rôh hôp khu râ kăn xiâm APEC tơrŭm pôu Hàn Quốc rôh kố ai pơxúa khât, rế mơhno tơdroăng ki môi tuăn ƀă kăn pơkuâ APEC rế veăng gum ‘mâi mơnhông kong têa tơrŭm cheăng tung la ngiâ tŭm têk pơla Việt Nam – Hàn Quốc.

Tơdrêng amê hlối pơtối tối mơnhên mâu tơdroăng ki veăng gum tơƀrê, pôu râng hnoăng dêi Việt Nam tung tơdroăng tŏng gum mâu tơdroăng tung kơpong ƀă tung lâp plâi tơnêi, malối cho mơnhông tơdroăng ki tơrŭm cheăng kâ lâp plâi tơnêi, pro ivá nếo ăm mơnhông dêi kơpong. Việt Nam kô tơkŭm po hơnăm APEC 2027, tơdroăng kố châ mơnhên tối cho rôh vâ Việt Nam mơdêk tơbleăng pêi troăng ngăn APEC troh hơnăm 2040 ki Việt Nam hiăng pơxiâm ƀă veăng mơjiâng rơtế ƀă mâu tơnêi têa tơrŭm cheăng sap ing hơnăm 2017.

Tơdrêng amê, hlối cho rôh ki tơ’lêi vâ tơnêi têa pin mơđah tơbleăng um méa tơnêi têa pơhlêh nếo, kơhnâ, mơnhông rơdêi; ing mê mơdêk tơpui kâ cheăng kâ ƀă túa lĕm tro, mơdêk tíu ối tung kơpong ƀă tung lâp plâi tơnêi.