Tung tơdroăng hmái hơtĭng, Kăn xiâm hnê ngăn tơnêi têa hiăng chôu nhang, tơbâ troh ngế kăn pơkuâ pâ nhuô̆m dêi hdroâng mơngế. Tung rôh ối rêh nah, Pôa Hồ đi đo ‘măn chôu mâu tơdroăng pâ nhuô̆m ƀă kuăn pơlê ƀă mâu lêng peăng Hdroh đi đo mơ-eăm, ôh tá kâi piu, tơxâng ƀă inâi “Pơlê hâu Tơnêi têa”.

Tối troh peăng Hdroh, Meh hmâ tơpui mâu rơkong tơpui ki lĕm tro má môi. Meh khê̆n cho peăng Hdroh cho “mơheăm dêi mơheăm Việt Nam”. Pôa Lương Cường, Kăn xiâm hnê ngăn tơnêi têa tối rơdêi khŏm mơ-eăm rơtế ƀă tâi tâng Đảng, tâi tâng kuăn pơlê mơnhông ivá rơdêi tơrŭm kân, pêi pro pơhlêh tơdroăng púi vâ mơjiâng tơnêi têa mơnhông kro. Pôu kơpong tíu xối tơbâ, Kăn xiâm hnê ngăn tơnêi têa vêh tối tơdroăng púi vâ dêi Pôa Hồ ‘na môi tơnêi têa Việt Nam hơniâp lĕm, môi tuăn, tơniăn krê, kro rơdêi ƀă tối nhên, Rôh ƀlêi trâng rơnó Hơngui 1975 cho tơdroăng ki pro pơhlêh tơdroăng púi vâ mê.