A roh pêi cheăng, pôa Lương Cường, Kăn xiâm hnê ngăn tơnêi têa kheăn kơdeăn mâu tơdroăng châ tơƀrê, tơdroăng ki veăng gum dêi Khu Kŏng an sap ing apoăng hneăng troh nôkố hbrâ pêi pro kơtăng ing rĕng ing hơngế mâu tơdroăng tơdjâk troh gâk kring tơnêi têa, toi kơdroh mơngế ki pro xôi, tơleăng tâi tâng hên tơdroăng ‘na gâk kring ki ôh tá tơniăn.

Ki rơhêng vâ tối, Khu xiâm pơkuâ Kŏng an hiăng djâ troăng ahdrối tung pơhlêh ƀă pêi pro Pơkâ 18 dêi Khu xiâm, mơjiâng khu cheăng krúa lĕm, krá tơniăn ó rơdêi, ki păng ‘nâng, ƀeăn ƀĕng rơkê, tiô rơxông nếo, ƀă kêi đeăng tơdroăng rah xo tŭm tro khu pêi cheăng, rơdêi, pêi cheăng, xêt khât, châ tơƀrê, xo vế hên túa ki rơkê tơtro lĕm ăm tơdroăng ki rah tơtro khu râ kăn pêi cheăng kal kí.

Tung la ngiâ, pôa Lương Cường, Kăn xiâm hnê ngăn tơnêi têa pơkâ thế khu kŏng an pơtối tâi hiâm mơno, tâi ivá, gâk kring kơtăng, tơniăn tâi tâng tơdroăng ki kal dêi tơnêi têa ƀă Hneăng hôp Đảng ƀô̆ mâu râ, la ngiâ cho Hneăng hôp roh má XIV dêi Đảng.