Tơdroăng a rôh pêi cheăng, pôa Lương Cường Kăn xiâm hnê ngăn tơnêi têa khĕn kơdeăn khât Khu pơkuâ hnê ngăn Đảng lêng xiâm, Khu xiâm pơkuâ ngăn lêng  hiăng hnê nhên tơdroăng pơkâ dêi Khu xiâm kal kí, Khu xiâm Đảng ‘na tơdroăng tơdah pêi pro tiô pơkâ 18-NQ/TW, mơjiâng khu cheăng kal kí “pro rế lĕm - rah iâ mơngế cheăng - pêi cheăng rơdêi- tơƀrê- pêi xêt - pơxúa”: Pro rế lĕm, pơhlêh tơ’mot mâu khu tơrŭm cheăng ai hnoăng cheăng pêi tơniăn “pro rế lĕm, rah iâ mơngế, pêi tiô pơkâ môi kơ koan pêi hên tơdroăng cheăng, môi tơdroăng cheăng cho môi kơ koan pơkuâ pêi ƀă chiu pôu râng hnoăng cheăng ki kal.

Ngăn a hnoăng cheăng pêi vâ ai troăng hơlâ pê klêi tŭm tơdroăng. Rak luât tơkŭm cheăng mâu kăn dêi Đảng; Tơniăn pơkuâ, hnê tơdrêng tŭm tơdroăng dêi Đảng ƀă mâu lêng Việt Nam. Púi vâ Kăn xiâm hnê ngăn tơnêi têa tơmâng khât, pro tơ’lêi hlâu ăm Khu xiâm pơkuâ ngăn lêng pơtối pơ’lêh tơkŭm cheăng pro rế lĕm, rah xo iâ mơngế pêi cheăng, pêi rơdêi, mơjiâng khu lêng pơ’lêh nếo, rơkê, tiô túa nếo mâu pơkâ dêi Đảng hiăng pơkâ.