Xông tơpui hnê mơhno a hneăng hôp, pôa Lương Cường, Kăn xiâm hnê ngăn tơnêi têa kheăn kơdeăn, mơnhên ƀă kheăn kơdeăn mâu tơdroăng ki hôm, châ tơƀrê ƀă tơdroăng ki hbrâ kơtăng rơtế tơdroăng mơ-eăm ki Đảng ƀô̆, khu râ kăn pơkuâ, khu lêng ƀă kuăn pơlê tung kong pơlê Hưng Yên châ tơƀrê tung pơla kố nah.

Tối rơdêi tung la ngiâ, sap ing kố troh tâi hơnăm 2025 ai hên hnoăng cheăng ki kal, tung mê ai tơdroăng ki kal dêi tơnêi têa, tơdrêng amê cho hơnăm mơ’nui tơtêk rĕng, châ tơƀrê tơkâ hluâ pơkâ Hneăng hôp má XIII dêi Đảng, Kăn hnê ngăn tơnêi têa pơkâ thế Khu kăn pơkuâ hnê ngăn, Khu pơkuâ tơdroăng cheăng Đảng kal pơtối séa ngăn mâu troăng pêi, hnoăng cheăng, mơnhông ó rơdêi vâ Hưng Yên prôk rĕng, krá lĕm, krá tơniăn tŭm tơdroăng, ki má lối cho djâ troăng ahdrối tung tơdroăng pêi pro mâu tơdroăng xiâm châ séa ngăn.